СП 2018 | Доигрувањето на мечот донесе пораз на Македонија, Албанија со гол на Балај во финишот дојде до победа од 2-1 и три бода...



Македонија со пораз од Албанија ги почна квалификациите за Светското првенство во Русија, откако го загуби мечот кој се играше два дена.

Последните 15 минути од натпреварот кои се одиграа денес беа несреќни за Македонија. Албанија не беше подобар противник но еден момент го реши мечот.

Во 89. минута центаршут од слободен удар на Мамушај, лоша интервенција на македонската одбрана, топката дојде до Балај кој погоди за конечни 2-1.

До крајот Македонија се обиде да дојде до ново изедначување, имавме една голема шанса преку Ибраими, но албанскиот голман одбрани.

Извор: 24FUDBAL.com.mk