Англија Ливерпул официјално го ангажираше младиот фудбалер на Чарлтон, 18-годишниот Џонџо Шелви.

Младиот талент ги поминал медицинските тестови и ги договорил личните услови, откако двата клуба синоќа ја договорија висината на оштетата.

Ливерпул на Чарлтон ќе му плати 1,7 милиони фунти, и дополнителни суми во зависност од настапите и учинокот на Шелви.

Шелви во сениорскиот тим на Чарлтон дебитираше на 16 години и 59 дена, во април 2008 против Оуквел. Тој е најмлад фудбалер кој дебитирал во историјата на Чарлтон и најмлад стрелец.

Тој има 48 настапи за Чарлтон и осум постигнати гола, што беше знак за повик во репрезентацијата на Англија до 17 години.

"Џонџо е возбудлив млад репрезентативец на Англија. Тој доаѓа како дел од долгорочна стратегија на клубот и му посакуваме добредојде во Мелвуд" - изјави директорот на Ливерпул, Кристиан Парслоу.

Двата клуба разговарале и за развој на соработката, која во иднина би вклучувала повеќе преселби на фудбалери во двете насоки.

"Никој не сака да загуби талент како Џонџо, но вкупната пакет понуда беше онаква каква што не може да се одбие, и многу атрактивна за фудбалерот".

"Ливерпул ќе го развијат него во следните неколку години, и тој ќе стане голем фудбалер, не можам да замислам подобро место од Енфилд за него" - изјави претседателот на Чарлтон, Ричард Мареј.

Powered by: 24 FUDBAL.com.mk