СП 2018 | Англија и Германија славеа над Словачка односно Норвешка во првиот натпревар од квалификациите за мундијалот во Русија...



„Трите Лава„ со „Биг Сем“ на кормилото не импресионираа на гостувањето во Трнава и стигнаа до трите бода со погодокот на Адам Лалана во 95. минута од натпреварот.

На другите два денешни натпревари од Групата Ф, Шкотска со убедливи 5-1 славеше над Малта, додека пак Литванија пропушти два гола предност во дуелот со Словенија и одигра само 2-2.

Актуелниот светски шампион, Германија исто така со победа ги започна квалификациите за СП 2018.

Избраниците на Јоаким Лев ја оправдаа фаворитската улога на гостувањето кај Норвершка и славеа со 3-0. Томас Милер беше стрелец на два гола, а еднаш во листата на стрелци се запиша и Џошуа Кимих.

Азербејџан славеше со 1-0 над Сан Марино, а Чешка и Северна Ирска одиграа натпревар без погодоци на другите два натпревари во Групата Ц.

Во Групата Е, Данска славеше со 1-0 над Ерменија, Казакстан се врати од 0-2 против Послак и се избори за 2-2 и голем бод против фаворитот, додека пак Романија и Црна Гора исто така ги поделија бодовите играјќи 1-1.

Извор: 24FUDBAL.com.mk