Англија | Напаѓачот на Лестер, Џејми Варди објаснува како го одбил Арсенал, тоа за него била најголема одлука во професионалната кариера, но лесна одлука...



На почетокот од преодниот рок силни беа шпекулациите кои го поврзуваа Варди со заминување во Арсенал, но по некое време фудбалерот потпиша нов договор со Лестер и таа сага заврши.
 
„Во тој период престојував во хотелска соба без ништо посебно да правам, па имав време за размислување“ - вели Варди.
 
„Ги разгледував сите аспекти, каде ќе ме однесе една таква одлука, каде нема, што ќе се случи, што нема, каде ќе завршам, каде нема. И секогаш кога ќе помислев за секоја работа, мојот ум и моето срце велеа „треба да останеш“.
 
„Во мојот професионален живот, тоа беше најголемата одлука која требаше да ја донесам до сега. Беше голема, но беше лесна одлука“.
 
„Во Лестер сме како браќа и многу од играчите потпишаа нови долгогодишни договори. Го загубивме само Канте од шампионскиот тим, и тоа не е лошо. Се надевам дека сите заедно ќе продолжиме да бидеме успешни“.

Извор: 24FUDBAL.com.mk