Англија | Јирген Клоп вели дека малите клубови во Шпанија се толку слаби што Барселона може да настапи со својот Б-тим на половина натпревари а Лео Меси лесно да постигне пет гола...



Во разговор со Дејли Мејл, Германецот истакна дека Премиерлигата е многу тешка и нема лесни натпревари во споредба со останатите првенства.

„Големата разлика помеѓу Англија и останатите првенества е тоа што тука конкуренцијата е многу силна" – вели менаџерот на Ливерпул.

„Во Шпанија, Барселона може да игра со Б-тимот на половина од натпреварите ".

„На некои средби Лео Меси ќе претрча 4,3 км и ќе постигне пет гола".

„Има натпревари кои во пракса се само лесен тренинг. Во Англија тоа не се случува".

„Да, и во Премиерлигата можете да победите со голема разлика, но само откако ќе го скршите противникот во одреден момент. Се до тој момент, секогаш е многу тешко".

„Имате три натпревари во низа, на 26., на 28., на 31. и сите се прилично интензивни. Немате ни една секунда за одмор".

Извор: 24FUDBAL.com.mk