Останато | Новиот селектор на Шпанија, Хулен Лопетеги дебитираше со победа над Белгија, Италија со 3-1 беше поразена во Бари од Франција...



Противниците на Македонија во квалификациите за Светското првенство, Шпанија и Италија имаа различен учинок на денешните пријателски натпревари.

Шпанија со 2-0 победи кај Белгија, Роберто Мартинез и Тиери Анри немаа славно деби за разлика од Хулен Лопетеги.

Давид Силва беше стрелец и на двата гола, по еден во двете полувремиња од мечот.

Франција со 3-1 ја победи Италија во Бари, меч во кој Донарума дебитираше за Азурите и стана најмладиот голман во историјата на репрезентацијата, тој во игра влезе во второто полувреме на местото од Буфон.

Марсијал во 17. минута донесе водство за Франција, само четири минути подоцна Пеле изедначи на 1-1. Но веќе во 28. минута Жиру го врати водството на Французите, а победата ја запечати Курзава на десет минути пред крајот.

Грција ја победи Холандија на нејзин терен со 2-1, Португалија со 5-0 славеше над Гибралтар.

Извор: 24FUDBAL.com.mk