МЕНИ

Шпанија | Спортскиот директор на Барселона, Алберт Солер го прокоментира светски рекордниот трансфер на Пол Погба во Манчестер јунајтед...

„Каталонците“ беа во трката за потписот на Французинот, но решија да се повлечат поради превисоките трошоци.

Манчестер јунајтед на крајот ја доби битката за Пол Погба и плати светски рекордна сума од 110 милиони евра.

„Клубовите од Премиерлигата можат да плаќаат големи суми на пари поради богатиот договор за ТВ права” – вели спортскиот директор на Барселона, Алберт Солер.

„На пример, Манчестер јунајтед може да си дозволи да плати 120 милиони евра за еден играч”.

„Ние со приближна сума ангажиравме шест играчи”.

„Напливот на милионите од Англија малку го пореметија трансфер пазарот”.

Алберт Солер исто така открива дека минатото лето тие и Јувентус имале вербален договор според кој Барселона имала опција прва да го ангажира Пол Погба.

„Минатата година имавме договор со Јуве, доколку го продаваат Пол Погба, ние ќе имавме приоритет. Но на крајот, Јуве реши да не го продаде играчот”.

„Не плативме ништо за тоа, бидејќи односот помеѓу двата клуба е одличен”.