Останато | На полноќ заврши летниот преоден рок, како што се очекуваше, клубовите од Премиерлигата беа најактивни и потрошија рекордни 1,4 милијарди евра...
Клубовите од најсилното првенство на Англија подпомогнати од богатиот договор за ТВ права и ова лето најмногу се расфрлаа со пари на трансфер пазарот.
Дури 13 клубови го соборија сопствениот трансфер рекорд, а Манчестер јунајтед за Пол Погба плати светски рекордни 110 милиони евра.
На почетокот од оваа недела тие ја надминаа магичната граница од 1 милијарда евра, во последниот ден од преодниот рок потрошија над 180 милиони евра, за на крајот да стигнат до бројката од 1,4 милијарди евра.
Премиерлигашите потрошија двојно повеќе од било кој друг, зад нив се клубовите од Серија А, кои ова лето одвоија околу 700 милиони евра за засилувања.
Потоа следува Бундеслигата и Примера, Германците потрошија околу 544 милиони евра, а Шпанците околу 460 милиони евра.
Клубовите од Лиг 1 заостануваа многу, Французите потрошија само 192 милиони евра.
Извор: 24FUDBAL.com.mk
