Англија | Златан Ибрахимовиќ ја пецна Барселона, Швеѓанецот вели дека „Црвените Ѓаволи“ се најголемиот клуб за кој настапувал...



Напаѓачот во 2009 се пресели на Камп Ноу, но неговата авантура во дресот на „Каталонците“ се покажа како катастрофална и по само една година, тој замина од Барселона.

Ова лето тој кариерата ја продолжи во Манчестер јунајтед и вчера му помогна на својот нов клуб да стигне до трофејот од Комјунити Шилд.

Па тој ја искористи оваа прилика да ја пецне Барса и истакна дека „Црвените Ѓаволи“ се најголемиот клуб за кој настапувал.

„Се чуствувам добро. Прв официјален натпревар, игравме за трофеј и победивме. Ова е мојот 31. трофеј“ – вели Ибра.

„Многу сум среќен. Се надевам дека ќе освојам уште многу трофеи“.

„Големи работи се случуваат тука. Тимот е фантастичен, атмосферата во соблекувалната е извонредна“.

„Менаџерот прави се за да победиме“.

„Ова веројатно е најголемиот клуб за кој сум настапувал. Можам само да го споредам со Милан“.

Извор: 24FUDBAL.com.mk