Останато Феенорд соопшти дека Рој Макај ќе се пензионира по завршувањето на сезоната.

Феенорд преку соопштение на својата официјална веб страна, најави пензионирање на Рој Макај по завршувањето на сезоната.

"Рој Макај ги игра последните недели како професионален фудбалер" - стои во соопштението на клубот.

"Напаѓачот му соопштил на техничкиот директор на Феенорд, Лео Бенхакер во лична конверзација дека ќе прекине да игра по завршувањето на оваа сезона, и ќе влезе во нова авантура од животот".

Најверојатно последен натпревар за Макај ќе биде реваншот од финалето на Купот во Холандија, кој Феенорд го игра против Ајакс.

Поранешниот холандски репрезентативец кариерата ја започна во Витесе во 1993 година, играше и во Тенерифе, Депортиво и Баерн Минхен пред да се пресели во Феенорд.

Powered by: 24 FUDBAL.com.mk