Англија | Менаџерот на „Топчиите“, Арсен Венгер вели дека има пари за нов напаѓач и објаснува дека е потребно да го пронајдат правиот играч...



Медиумите најавуваат дека на Емирати ова лето ќе пристигне нов голгетер, Арсенал се поврзува со неколку имиња, но „Топчиите“ никако да договорат засилување.

По вчерашната победа од 8-0 над Викинг, Арсен Венгер вели дека има пари за трошење но најпрво треба да го пронајде правиот играч.

„Цената не е проблем” – вели Французинот. „Имаме пари но треба да го најдеме правиот играч”.

„Цената на играчот зависи од неколку фактори како талентот, годините, колку очекувата да го подобри вашиот тим и за колку пари можете да го продадете во иднина”.

„Доколку некој се вклопи во овие критериуми, цената која ќе ја платите не е толку важна”.

„Потребно е да го најдете правиот играч”.

На почетокот од летото, Арсенал имаше неуспешен обид да го ангажира Варди, потоа Лион ја одби понудата за Лаказет, а „Топчиите“ извисија и во битката со Јувентус за Гонзало Игуаин.

Извор: 24FUDBAL.com.mk