Англија | Манчестер Сити ја доби битката за бразилскиот супер талент Габриел Жезус, тој во англискиот тим ќе пристигне од почетокот на 2017 година...



19-годишниот Габриел Жезус важи за најголемиот бразилски талент во моментов и интересот за неговите услуги беше голем. Битката ја доби Манчестер Сити кој денеска го потврди неговиот ангажман.

„Манчестер Сити е задоволен што може да соопшти дека го ангажираше Габриел Жезус од Палмеирас" – гласеше известувањето.

Жезус во Палмеирас ќе остане до 1. јануари кога е најавено неговото доаѓање во Сити.

„Манчестер Сити е еден од најголемите клубови во светот па среќен сум што потпишав за нив" – вели Жезус.

„Покрај големиот број на талентирани играчи, тука е и фантастичниот менаџер Пеп Гвардиола, од кого ќе можам многу да научам".

Медиумите пренесуваат дека Манчестер Сити за услугите на играчот ќе плати 27 милиони фунти, плус уште 4 додатни милиони во бонуси.

Извор: 24FUDBAL.com.mk