Шпанија | Поранешниот тренер на Реал Мадрид, Карло Анчелоти открива како е да се работи со големата ѕвезда на „Кралевите“, Кристијано Роналдо...



Рафа Бенитез на почетокот од минатата сезона имаше големи проблеми со Португалецот, но Карло Анчелоти вели дека соработката со ЦР7 е прилично лесна.

„Лесно е со него на тренинзите” – вели Италијанецот. „Речиси и да не треба ништо да му кажете”.

„Тој е голем професионалец и знае што треба да прави за да биде подготвен за настап”.

„Имав среќа што на располгање имав играч како Роналдо кој може да постигне 50 погодоци во една сезона”.

„Сака да биде на врвот, сака да биде најдобар”.

Карло Анчелоти исто така открива една анегдота од неговата соработка со Португалецот.

„Еднаш се пошегував и му кажав дека ќе биде на клупата за резерви за еден голем натпревар”,

„Тој беше комплетно шокиран. Потоа му објаснив дека само се шегувам”.

Извор: 24FUDBAL.com.mk