Македонија | Поради казната која ја издржува, Вардар во првото коло ќе го пречека Шкупи во Струмица во меч кој ќе се игра во вечерен термин...



Вардар натпреварот од 1. коло против Шкупи ќе го игра во недела во Струмица под рефлектори со почеток од 20 часот.

„Црвено-црните“ се домаќини на овој меч, но поради суспензијата од минатата сезона мечот со Шкупи ќе мора да се игра на неутрален терен, односно 100 километри надвор од Скопје. Воедно, после тој натпревар истекува суспензијата, и после 1. коло од оваа сезона Вардарци се враќаат на Арената „Филип Втори“.

Вардар и минатосезонскиот дуел во рамките од претпоследното коло го одигра со Шкупи на неутрален терен како домаќин тогаш во Пробиштип, и го победи противникот со 2:0, триумф со кој ја обезбеди 10. шампионска титула.

Стадионот „Младост“ во Струмица е со капацитет од 6.500 столчиња.

Извор: 24FUDBAL.com.mk