МЕНИ

Англија | Менаџерот на Тотенхем, Маурисио Покетино вели дека по поразот од Њукасл во последното коло бил толку бесен што сакал да ги убие неговите играчи...

„Спарси“ имаа очајно лош финиш на сезоната, најпрво ја загубија битката со Лестер за титулата а потоа во последното коло неочекувано загубија од веќе испаднатиот Њукасл и му дозволија на лутиот градски ривал Арсенал да ги помине на табелата.

Маурисио Покетино сега открива дека се уште не може да се помири со поразот и вели дека по натпреварот со Њукасл бил толку бесен што сакал да ги убие неговите играчи.

„Се чуствував мизерно по поразот од Њукасл” – вели Аргентинецот. „Цело лето бев во лошо расположение. Ми го уништи одморот”.

„Искрено, бев во Барселона и Бахамите со моето семејство и постојано бев нерасположен. Негативната енгергија ја пренесов и таму, од седумте дена кои ги поминав на Бахамите, шест дена врнеше и имаше невреме!”

„Немаше време да го свариме поразот од Њукасл бидејќи сезоната заврши по тој натпревар и не можев следниот ден да ги споделам чуствата со играчите и да ги убијам!”.

„Нормално кога ќе загубите и сте вознемиран од она што го прикажале играчите, имате можност во понеделник да им кажете што мислите, да имате голема дискусија и голема расправија”.

„Но тоа не беше возможно бидејќи голем дел од играчите веднаш заминаа на Европското првенство”.

„Морав да го задржам бесот во себе цело лето”.