Англија | Капитенот на Манчестер јунајтед, Вејн Руни има само пофални зборови за Мурињо вели дека во него го гледа Сер Алекс Фергусон и верува дека тимот ќе се врати онаму каде што припаѓа, на врвот...
Фудбалерите на Манчестер јунајтед се задоволни од работата со Жозе Мурињо, мотивацијата во тимот е на највисоко ниво, самодовербата расте, желбата е повторно да се биде конкурентен за трофејот во Премиерлигата, нешто што не беше случај по заминувањето на Сер Алекс Фергусон.
„Веќе го гледам Сер Алекс во Мурињо. Начинот на кој зборува со индивидуалците, начинот на кој зборува со тимот, начинот на кој им дава самодоверба на фудбалерите“ - вели Руни.
„Го слушнав како зборува со играчите, и по разговорот знаете дека тој фудбалер ќе се чувствува како да е на врвот на светот. Тоа го прави со мене, тоа го прави со сите нас, тоа е еден од неговите квалитети“.
„Знате дека на прес конференциите ќе има пораки за вас новинарите, пораки за противничките менаџери, многу паметно ги користи зборовите“.
Вејн Руни има само позитивни зборови и за Златан Ибрахимовиќ кој веќе остава впечаток на остатокот на тимот.
„Тој е еден од најдобрите напаѓачи и е голема личност. Можете да видите дека веќе е многу значаен играч за нас“.
„По тренинзите веќе зборува за тоа како можеме да го извадиме најдоброто од нас, можете да видите дека има одлична работна етика“.
„Мислам дека фудбалерите чувствуваат дека ова е како стариот Манчестер јунајтед. Мислиме дека можеме да се бориме за титулата во Премиерлигата. Сакаме да почнеме да освојуваме трофеи уште од натпреварот со Лестер во Комјунити Шилд дуелот“.
Извор: 24FUDBAL.com.mk
