Италија | Продажбата на Милан никако да се комплетира, италијанските медиуми пишуваат за ново одолговлекување, фановите се бесни на уште еден промашен преоден рок...



Берлускони веќе некое време го продава Милан на кинески инвеститори, но зделката никако да се комплетира.

„Газета дело Спорт“ пишува дека продажбата на Милан повторно е одложена, кинескиот конзорциум побарал дополнително време за да ја комплетира неопходната документација.

Се очекуваше клубот да добие нов газда до крајот на овој месец, но се чини дека тоа нема да се случи уште неколку недели.

Навивачите на Милан се бесни, тие протестираа и пред куќата на Берлускони, поминува уште еден преоден рок во кој клубот не се засилува за да биде конкурентен за највисоките позиции во Серија А.

Поради ваквата статус кво ситуација во Милан, големи се шансите и Карлос Бака да го напушти „Сан Сиро“. Па и покрај тоа што Монтела важи за добар тренер, ќе го нема посакуваниот тим кој треба да донесе подобри резултати од минатата сезона.

Извор: 24FUDBAL.com.mk