Шпанија | Спортскиот директор на Барселона, Ариедо Браида вели дека и тие сакале да го ангажираат Пол Погба, но морале да се откажат поради превисоката цена на играчот...
Се говори дека Французинот е на чекор до враќање во Манчестер јунајтед за рекордна сума од 120 милиони евра, и покрај тоа што Реал Мадрид вчера во последен момент достави понуда.
Спортскиот директор на Барселона, Ариедо Браида вели дека и тие сакале да го ангажираат Пол Погба, но морале да се откажат поради превисоката цена на играчот.
„Кога зборуваме за суми од над 100 милиони евра треба добро да размислите” – вели Браида.
„На крајот сè се сведува на ТВ правата кои донесоа многу пари и комплетно ја променија логиката на трансфер пазарот”.
„Секако, сите играчи се преценети до некој степен”.
„Знаеме каков играч е Погба, и добар период Барселона беше заинтересирана за него”.
„Но динамиката се промени и кога сумите достигнаа одредена граница, ние повеќе не бевме заинтересирани”.
„Некогаш едноставно сме приморани да се откажете. Не е во прашање само трансфер сумата, во предвид треба да се земе и платата на играчот”.
Извор: 24FUDBAL.com.mk
