Италија | Насловната на денешното издание на „Газета дело Спорт“ најавува мега продажба на Пол Погба и рекорден трансфер на Гонзало Игуаин во Јувентус...
Според италијанските весници продажбата на Погба сепак ќе се случи, Манчестер јунајтед и Јувентус се блоску до договор за играчот од средниот ред.
Понудата која се очекува да ја прифати Јувентус е 100 милиони евра веднаш и уште 25 милиони евра во бонуси. Во наредните денови се очекува и комплетирање на зделката.
Јувентус е цврсто решен да ја оствари својата цел и да го донесе Гонзало Игуаин. Наполи не сака да слушне за продажба под откупната клаузула, шампионот ќе треба да ја плати 94,7 милиони евра и тоа ќе го направи. Се очекува наскоро Игуаин да стане фудбалер на Јувентус.
Што се однесува до другите трансфер активности на Јувентус, Манчестер Сити нуди богатство за Бонучи, понуда од 60 милиони евра, а „старата дама“ наскоро треба да го комплетира трансферот на Марко Пјаца од Динамо Загреб.
Извор: 24FUDBAL.com.mk
