Лига на Шампиони | Противникот на Вардар, Динамо Загреб со најдобрите играчи го почна хрватското првенство, во стартниот тим беше и Марко Пјаца кој очекува трансфер во Серија А...



Динамо Загреб во Скопје против Вардар играше без Марко Пјаца и се веруваше дека фудбалерот се чува поради трансфер во Серија А, најверојатно во Јувентус, но тој беше стартер во првото коло од хрватското првенство против Локомотива.

Динамо Загреб ја победи Локомотива Загреб со 3-1, Пјаца и Чориќ за кој има интерес од Ливерпул беа стартери на мечот, Рог влезе во вториот дел.

Динамо губеше со 1-0 од 16. минута, Судани во 29. изедначи на 1-1, а Хоџиќ со два гола му донесе три бода на шампионот.

Вардар во среда со почеток од 20:45 му гостува на Динамо Загреб во реванш меч од квалификациите за Лигата на шампионите.

Извор: 24FUDBAL.com.mk