Македонија | Екипата на Џенова со убедливи 18-0 очекувано го прегази аматерскиот тим Вал Стубаи, четири гола беа дело на Горан Пандев...



Џенова има традиција пред сезоната контролните натпревари да ги почне со тимот на Вал Стубаи со кои редовно забележува убедливи триумфи, така беше и овој пат.

Новиот тренер Јуруќ, за кого ова беше прв натпревар, на теренот извади два тима, еден во првото полувреме и еден во второто. Горан Пандев беше капитен на тимот кој излезе во вториот дел.

Пандев изгледа мотивирано на подготовките, постигна четири гола и беше најефикасен во тимот на Џенова.

Извор: 24FUDBAL.com.mk