Италија | Денеска ќе се одржи првиот состанок помеѓу преставници на Наполи и Јувентус за трансфер на Гонзало Игуаин во Торино...



На неутрален терен, во канцелариите на Серија А во Милано, ќе се сретнат претседателот на Наполи, Аурелио Де Лаурентинс и генералниот директор на Јувентус, Бепе Марота.

Ова ќе биде старт на преговорите за мега трансферот на Гонзало Игуаин кој медиумите од Италија го најавија во четвртокот.

Се верува дека Де Лаурентинс на Марота ќе му соопшти дека единствен начин за Јувентус да го добие популарниот Пипита е да ја плати откупната клаузула во договорот на напаѓачот вредна 94.7 милиони евра.

Наполи не е заинтересиран да ги добие Симоне Ѕаѕа и Даниеле Ругани како дел од зделката, но клубот од Сан Паоло ќе мора да слушне што има да понуди Јувентус бидејќи Гонзало Игуаин сака да се пресели во Торино.

Извор: 24FUDBAL.com.mk