МЕНИ

Шпанија | Претседателот на Реал Мадрид, Флорентино Перез се скарал со тренерот Зинедин Зидан поради присуството на Мартин Одегард на турнејата во Северна Америка...

Во јануари 2015, „Кралевите” ја добија трката за норвешкиот вундеркит.

Мартин Одегард на Сантијаго Бернабеу пристигна како следната голема фудбалска ѕвезда, но 18 месеци подоцна, тој се уште не може да се наметне во првиот тим и само им прави проблеми на тренерите во Реал Мадрид.

Карло Анчелоти неодамна се пожали дека воопшто не го сакал Мартин Одегард и обвини дека играчот пристигнал во Реал само како маркетиншки потег.

Медиумите од Франција пренесуваат дека поради фудбалерот сега претседателот Флорентино Перез се скарал и со Зинедин Зидан.

Првиот човек на „Кралевите” му наредил на Зизу да го вметне името на Мартин Одегард на списокот играчи кои ќе патуваат на турнејата Северна Америка.

Зинедин Зидан не сакал да го има Норвежанецот во составот, но морал да ги послуша наредбите на Флорентино Перез.

Ова не е прв пат Французинот да си има мака со Одегард, според клаузула во договорот на фудбалерот, Норвежанецот треба пет пати во неделата да тренира со првиот тим на „Кралевите”.