Италија Легендата на Милан, Паоло Малдини ја советуваше управата на Росоњерите да ангажираат нови играчи со цел да се натпреваруваат со топ клубовите од Европа

Росоњерите во последните неколку години се анемични на трансфер пазарот и поголемиот дел од фановите се бесни откако минатото лето 65те милиони евра од продажбата на Кака беа искористени за балансирање на буџетот а не за засилување на составот.

Поранешниот капите на Милан, Паоло Малдини ја советува управата на клубот дека мора да инвестира со цел да го задржи чекорот со топ клубовите од Европа.

“Нормално е тоа што фановите се навикнати на одредени цели, и јас гледам дека инвестирањето е единствен начин да се одржи чекорот со големите тимови од Европа.” – рече Малдини.

“Колку што јас сум запознаен, управата на клубот наскоро ќе се сретне за да се договори трансфер стратегијата.”

Медиумите најпрво шпекулираа дека Милан се обидел да го врати Малдини на терените во завршниот дел од сезоната за подоцна извештаите на весниците да говорат дека Адриано Галијани му понудил на Паоло место во управата.

“Имав состанок со Галијани со кого сум во добри односи и во моментов нема никакви проблеми.”

“Како фудбалер јас веќе се повлеков а за менаџер сеуште сум млад. Јас веќе земав една година пауза.“

“Доколку предлогот дојдеше минатата година, јас ќе го одбиев во секој случај.”

Powered by: 24 FUDBAL.com.mk