Англија | Откако пред две недели се раздели со Италија со пораз во четвртфиналето на ЕУРО 2016, Антонио Конте со пораз ја започна и новата авантура во Челси...



„Сините”  попладнево во Австрија го имаа првиот тест на подготовките за новата сезона,  противник им беше екипата на Рапид Виена.

Антонио Конте на теренот изведе прилично силен состав, со Беговиќ на голот, Ивановиќ, Џибоџи, Тери и Баба Рахман во одбраната, Микел, Матиќ и Лофтус Чик во средниот ред и Мозес, Вилиан и Диего Коста во нападот.

Но и покрај тоа домаќините беа тие што се радуваа на победата.

Жоелинтон го отвори резултат во 8. минута, а точка на натпреварот стави Томи во завршниот дел од средбата.

Извор: 24FUDBAL.com.mk