Англија | Челси го потврди трансферот на Нголо Канте, фудбалерот потпиша пет годишен договор со „сините“ од Лондон кои ќе платат околу 30 милиони фунти за играчот од средниот ред...
Нголо Канте е ново засилување на Челси во летниот преоден рок откако денеска стави потпис на пет годишен договор со „сините“.
„Многу сум среќен што потпишав за еден од најголемите клубови во Европа. Ова е остварување на сонот за мене“ - изјави Канте.
„Можноста да работам со Антонио Конте, фантастичен тренер, и некои од најдобрите фудбалери во светот беше премногу добра за да ја одбијам“.
Нголо Канте е второто засилување на Антонио Конте, претходно Челси потпиша договор со Мичу Батшуаи.
Извор: 24FUDBAL.com.mk
