Англија | Менаџерот на Лестер, Клаудио Раниери одново вели дека примарна цел на „Лисиците” е освојување на 40 бода и обезбедување опстанок...



Клубот од Кинг Пауер Стадионот минатата сезона приреди едно од најголемите изненадувања во светот на фудбалот, и стигна до титулата во Премиерлигата.

И покрај тоа што Лестер во поголемиот дел од сезоната беше на врвот на табелата, Клаудио Раниери ниту во еден момент не сакаше да каже дека „Лисиците” се фаворит за титулата.

Тој најпрво велеше дека целта е опстанок, потоа обезбедување место во Лига Европа, па место во Лигата на Шампионите.

Италијанецот вчера за прв пат се сретна со новинарите на подготовките за новата сезона, и ја повтори старата приказна.

„Примарна цел ни е освојување 40 бода и обезбедување опстанок” – вели Клаудио Раниери.

„Потоа финиш во горниот дел на табелата, па место во Лигата на Шампионите, и потоа ако е возможно да подигнеме уште еден пехар”.

„Подготвени сме за борба”.

Извор: 24FUDBAL.com.mk