Англија | Легендата на Манчестер јунајтед, Сер Алекс Фергусон вели дека Кристијано Роналдо со години е на врвот само поради неверојатната работна етика...
Шкотот го донесе Кристијано Роналдо на Олд Трафорд во 2003, и под негово водство Португалецот прерасна во еден од најдобрите фудбалери на денешницата.
Во разговор со Билд, Сер Алекс Фергусон вели дека Кристијано Роналдо го достигнал ова ниво поради неверојатната работна етика.
„Тој има фантастична желба за фудбал” – вели Ферги. „Кристијано со нетрпение го чека секој тренинг”.
„Постојано сака да биде подобар, да победи. Особено ги сака големите натпревари”.
„Во времето кое го поминав во Манчестер јунајтед, Кристијано беше играчот кој забележа најголем прогрес. И тоа преку напорна работа”.
„Постојано работеше на техниката на шутирање, со десна нога, со лева со глава. Работеше на отскок”.
„Неговите перформанси се подобрија значително”.
„Денешниот фудбал е многу напорен, многу брз. Вообичаено врвните фудбалери играат пет или шест години на највисоко ниво”.
„Но Кристијано тоа го прави преку 10 години”.
„Секоја генерација има посебен фудбалер, и Кристијано е токму тоа”.
Извор: 24FUDBAL.com.mk
