Англија | Менаџерот на Ливерпул, Јирген Клоп му кажа на Марио Балотели да си пронајде нов клуб, напаѓачот не е дел од плановите на Германецот...



На почетокот од овој месец, Марио Балотели се врати во Ливерпул по неуспешната позајмица во Милан, и со „Црвените“ ги започна подготовките за новата сезона.

Но тој нема иднина на Енфилд, ќе треба да си побара нов клуб откако Јирген Клоп го извести дека нема да смета на неговите услуги.

„Разговарав со Балотели” – вели менаџерот на Ливерпул. „Марио не е во момент од неговата кариера кога треба да се бори со четворица или пет играчи за една или две позиции... па потребно ни е решение”.

„Сигурен сум дека ќе има клубови кои со задоволство ќе го пречекаат новиот Марио Балотели”.

„Јасно му ставив до знаење на играчот каква е ситуацијата”.

Извор: 24FUDBAL.com.mk