Англија | 21 годишниот голман, Пјерлуиџи Голини имал прилика да потпише за големиот Јувентус, но решил да го одбере второлигашот Астон Вила...



Да се тренира покрај Џиџи Буфон и да се учи од легендата е сон на речиси секој млад италијански голман, но очиглено не и за Пјерлуиџи Голини.

Младиот голман ова лето ја напушти Верона и реши да ја одбие понудата на шампионот Јувентус за да потпише со англискиот второлигаш Астон Вила.

„Вистина е дека Јуве ме бараше” – вели Голини.

„Но интересот на Астон Вила беше многу посолиден. Беа прилично одлучни. За мене тоа беше многу важно”.

„Кога некој навистина ве посакува и мислат дека имате огромен потенција, тоа значи дека веруваат во вас”.

„Исто така мислам дека Џиџи Буфон ќе игра барем уште две години. Доколку игра на Светското првенство ќе има најмногу настапи во историјата.”

„Дури и да не може да игра, тој ќе настапи! Таков е! Кога бев дете ми беше омилен голман”.

„Минатата сезона имав прилика да го заменам дресот со него. За мене тоа беше остварување на сонот”.

Извор: 24FUDBAL.com.mk