Англија | Рајан Гигс се присеќава на првиот натпревар на кој имал прилика да го види Кристијано Роналдо како игра, и проговори за начинот на кој Сер Алекс Фергусон го договорил Португалецот...
„Црвените Ѓаволи“ го купија Кристијано Роналдо во 2003, откако фудбалерот импресионираше со перформансите на пријателски натпревар помеѓу Спортинг Лисабон и Манчестер јунајтед.
Сер Алекс Фергусон тогаш одбил да го напушти стадионот се додека не бил договорен трансферот.
Во разговор со ИТВ, Рајан Гигс сега ја раскажува целата приказна.
„Се вративме од турнеја во САД, па најмалку што сакавме беше да одиме во Португалија поради разликата во временските зони” – вели Велшанецот.
„Јас не играв, бев на клупата за резерви, од замор главата ми паѓаше и си мислев добро е што не играм”.
„Но потоа Роналдо ја доби топката, го измеша Џон Ошеј и сите почнаа да се смешкаат”.
„По крајот на натпреварот сите разговараа со него”.
„Паметам дека чекавме во автобусот и сите се чудеа зошто чекаме”.
„И потоа почнаа да кружат информации дека сме го договориле Кристијано Роналдо за 13 милиони фунти”.
Извор: 24FUDBAL.com.mk
