Англија | Според пишувањата на Д Сан, „Сините“ сакаат да го искористат судскиот спор што Лео Меси го загуби со даночните власти и да го донесат Аргентинецот на Стемфорд Бриџ...
Напаѓачот вчера беше осуден на 21 месец затвор за затајување на данок во износ од 4,1 милион евра во периодот од 2007 до 2009.
Барселона веднаш застана зад својата ѕвезда и му даде поддршка, но според пишувањата на Д Сан, играчот чуствува дека не бил доволно заштитен од клубот.
Челси се обидува да го искористи ваквиот развој на настаните, и Роман Абрамович веќе имал средба со таткото на Лео Меси, Хорхе на неговата луксузна јаха Еклипс.
Весникот пишува дека „Сините“ се подготвени да платат рекордна сума од 110 милиони фунти (околу 128 милиони евра).
На играчот му е понудена неделна плата од 600 000 фунти (околу 700 000 евра).
Д Сан додава дека Челси не е единствениот клуб од Премиерлигата кој го посакува Лео Меси.
Манчестер Сити исто така внимателно ја следи ситуацијата на Аргентинецот и е подготвен да понуди повеќе од Челси.
„Граѓаните“ се спремни да одат до бројката од 800 000 фунти недела плата (околу 935 000 евра)
Извор: 24FUDBAL.com.mk
