Англија | Сер Алекс Фергусон смета дека Жозе Мурињо направил погрешен потег кога се вратил во Челси и мисли дека Манчестер јунајтед е вистинскиот клуб за Португалецот...



Мурињо од 2004 до 2007 беше на чело на Челси, се врати во 2013 и ја освои Премиерлигата со „сините“. Но по лошиот старт на сезоната доби отказ во декември.

Жозе Мурињо од оваа сезона повторно се враќа во игра, ќе го води Манчестер јунајтед што значи дека ќе биде многу почесто со својот пријател Сер Алекс Фергусон.

„Мислам дека Жозе погреши што се врати во Челси. Секогаш е тешко да се вратите некаде по втор пат“ - вели Фергусон.

„Неговото знаење, харизма и личност, неговиот голем успех, два пати ја освои Лигата на шампионите со различни клубови, ја освои Лига Европа со Порто, освојуваше титули со сите клубови кои ги водеше. Не можете да го игнорирате неговиот учинок“.

„Мислам дека Манчестер јунајтед е вистинскиот клуб за него, сметам дека ќе биде добар“.

Извор: 24FUDBAL.com.mk