ЕУРО 2016 | Исланд синоќа го заврши својот историски настап на Европското првенство, со игрите и резултатите освои многу срца ширум светот и ја направи горда нацијата...



Исланд ги надмина сите очекувања, имаше одличен настап во групната фаза а потоа ја елиминираше големата Англија. Исланѓаните немаа сили да и се спротивстават и на Франција, па со убедлив пораз се збогуваа од Европското првенство.

„Живеевме сон, но на секој сон му доаѓа крајот“ - изјави Гудјонсен по натпреварот.

Сигурдсон го признава поразот и вели дека со крената глава заминуваат.

„Бевме разочарани по првото полувреме, но Франција заслужи да победи. Ние сме горди, ова беше фантастичен турнир и нашиот тим направи нешто посебно. Остваривме резултат кој никој не го очекуваше. Се надевам дека пред Исланд е убава фудбалска иднина, можеме да бидеме уште подобри“ - вели Сигурдсон.

Извор: 24FUDBAL.com.mk