МЕНИ

Англија | Германскиот весник Билд ги објави бројките зад трансферот на Хенрих Мхитарјан од Борусија Дортмунд во Манчестер јунајтед...

Изминатиов викенд, „Милионерите“ потврдија дека репрезентативецот на Ерменија ќе замине од Сигнал Идуна Парк и ќе се пресели на Олд Трафорд.

Борусија Дортмунд до пред неколку недели не сакаше да слушне за продажба на Хенрих Мхитарјан, но тие не можеа да одолеат на милионите, особено што играчот имаше само уште една година од договорот.

„Одлуката да го продадеме Хенрик Мхитарјан беше многу тешка, но Манчестер јунајте достави исклучително богата понуда” – рече генералниот извршен директор на „Милионерите“, Ханс Јоаким Вацке.

Германскиот Билд сега ги објави бројките зад трансферот.

Весникот вели дека Манчестер јунајтед ќе инвестира 100 милиони евра во офанзивниот фудбалер од средниот ред.

„Црвените Ѓаволи“ на Борусија Дортмунд ќе и платат 42 милиони евра, а играчот ќе стави потпис на четири годишен договор со плата од 12,5 милиони евра по сезона.

Хенрих Мхитарјан исто така ќе добие бонус од 8 милиони евра кога ќе стави потпис на договорот.