Англија | Манчестер јунајтед денеска го комплетираше трансферот на Златан Ибрахимовиќ кој синоќа потврди дека од следната сезона ќе го носи црвениот дрес...



Манчестер јунајтед го потврди она што синоќа го најави Златан Ибрахимовиќ, неговиот трансфер е комплетиран.

„Манчестер јунајтед со задоволство може да објави дека потпиша со шведскиот напаѓач Златан Ибрахимовиќ“ - гласеше соопштението на Јунајтед.

„Апсолутно сум пресреќен што доаѓам во Манчестер јунајтед. Не можам да дочекам да почнам повторно да работам со Жозе Мурињо. Тој е фантастичен менаџер и подготвен сум за овој нов и возбудлив предизвик“ - изјави Ибрахимовиќ.

Задоволен од трансферот е и Жозе Мурињо кој добро го знае Ибрахимовиќ, една сезона заедно работеа во Интер.

„Не е потребно претставување на Златан. Статистиката говори за него. Ибра е еден од најдобрите напаѓачи во светот и играч кој секогаш дава 100%. Тој ги има освоено најсилните лиги во светот и сега има шанса да игра во најдобрата лига во светот, свесен е за можноста која ја има и ќе работи напорно да му помогне на тимот да освојува титули“ - вели Мурињо.

Извор: 24FUDBAL.com.mk