СП 2010 Бразилскиот интернационалец од редовите на Милан, Роналдињо делува прилично убеден дека ќе биде дел од мондијалот во Јужна Африка

Во последните 12 месеци селекторот на Бразил, Карлос Дунга постојано не сметаше на услугите на Роналдињо и се шпекулира дека асот на Милан ќе биде изоставен за мондијалот во Јужна Африка и покрај тоа што ’Дињо’ има одлична сезона на Сан Сиро.

Но самиот играч делува прилично убеден дека тој сепак ќе успее да биде дел од 23та фудбалери што Дунга ќе ги повика за Светското Првенство.

Во интервјуто за ‘Chi’ Роналдињо рече: “Во овој период во која бев надвор од составот, не беше поради моја вина, тоа беше поради проблеми во националниот тим.”

“Но ќе ви кажам една тајна: Јас не можам да го замислам Светското Првенство без Роналдињо на теренот. Навистина, ми се чини невозможно, дури и ако го земам во предвид ризикот да не бидам таму, се чувствувам лошо, многу лошо.”

“Но можам со сигурност да кажам дека ќе ја претставувам мнојата земја на Светското Првенство и, заедно со моите соиграчи од националнит, ќе победиме.”

По поразот од Сампдорија, Милан дополнително заостанува во трката за Скудетото но Роналдињо вели дека тие ќе се борат се додека имаат математички шанси.

“Скудетото? Се додека математички не ги загубиме шансите, мораме да веруваме во титулата. Секој натпревар ќе биде како битка. Јас сум подготвен.”

Powered by: 24 FUDBAL.com.mk