Јужна Америка | Медиумите од Аргентина пишуваат кои се фудбалери можат да му се придружат на капитенот Лео Меси и да стават крај на репрезентативната кариера...



„Гаучосите“ утрово направија неславен хет-трик и загубија трето по ред финале на големо натпреварување.

По новиот пораз од Чиле, Лео Меси излезе со шокантна изјава и на медиумите им откри дека повеќе нама да игра за Аргентина.

Серхио Агуеро потоа соопшти дека напаѓачот на Барселона не е единствениот кој става крај на репрезентативната кариера.

Медиумите од Аргентина пренесуваат дека одлука за повлекување од репрезентацијата донеле и Хавиер Маскерано и Серхио Агуеро.

Гонзало Игуаин, Анхел Ди Марија, Езекиел Лавеци, Лукас Биглиа и Евер Банега исто така размислуваат да се збогуваат од дресот на Аргентина и ќе одлучат во скоро време.

Доколку се реализираат ваквите најави, „Гаучосите“ ќе останат десеткувани и ќе бидат на тешки маки да состават тим за високи дострели.

Извор: 24FUDBAL.com.mk