Јужна Америка | Реприза од минатото финале на Копа Америка, Чиле ја победи Аргентина по изведувањето на пенали и го освои трофејот, Меси повторно остана без титула...
Аргентина и Чиле одиграа речиси идентично како и минатото финале, натпревар без погодоци во текот на 120 минути кои го решаваа пеналите.
Лео Меси и по четврто финале останува без голем трофеј, тој промаши пенал во серијата и е еден од трагичарите на овој меч.
Аргентина играше фантастично на Копа Америка до финалниот меч, но одличен беше и Чиле па се очекуваше неизвесен меч.
На почетокот од мечот Игуаин имаше фантастична шанса, но биеше неколку сантиметри покрај левата статива.
Во 28. минута Чиле остана со фудбалер помалку откако Марсело Диаз доби втор жолт картон по еден бодичек врз Меси.
Но, во 43. минута силите беа израмнети. Маркос Рохо доби директен црвен картон за старт кој изгледаше остро, но повторените снимки покажаа дека Видал го изнуди исклучувањето.
До крајот на мечот и двете репрезентации имаа шанси, но по 120 минути мрежите останаа незатресени па пеналите го решаваа победникот.
Пенал серијата почна со промашување на Артуро Видал, Ромеро го одбрани неговиот удар.
Следуваше Меси кој шутираше високо над голот на Чиле, еден од најлошо изведените пенали на ѕвездата на Барселона.
Во четврта серија промаши и Биља, Франциско Силва погоди и големото славје на Чиле можеше да започне.
Извор: 24FUDBAL.com.mk
