ЕУРО 2016 | Златан Ибрахимовиќ го одигра последниот натпревар за Шведска која вечерва загуби од Белгија и доживеа елиминација од Европското првенство, Република Ирска ја победи Италија за пласман во осминафинале...



Златан Ибрахимовиќ вчерва ја заврши својата приказна со шведската репрезентација не успевајќи да направи чудо. Шведска загуби од Белгија со 1-0.

Швеѓаните се обидуваа да дојдат до триумф, играа офанзивно, но Белгија беше поопасен противник создавајќи повеќе шанси.

Клучниот момент се случи во финишот кога Наинголан постигна убав гол од далечина за победа на Белгија од 1-0.

По двете победи во првите две кола и обезбеденото прво место во групата, Италија со втор тим излезе против Република Ирска која го искористи тоа.

На Ирците им требаше победа и се бореа за тоа, офанзивната игра даде плод во финишот кога Бреди постигна гол за огромна радост и пласман во осминафиналето на Република Ирска.

Италија го освои првото место во групата со шест бода, исто колку што има и Белгија на втората позиција, третото место го освои Ирска, Шведска со бод заврши на последното место.

Извор: 24FUDBAL.com.mk