ЕУРО 2016 | Иван Перишиќ осоколен по победата над актуелниот шампион на Европа истакна дека „Аѕурите“ можат да бидат среќни што нема да играат со Хрватска во осминафиналето...



„Коцкастите“ вчера ја шокираа Шпанија, го обезбедија првото место во Групата Д и избегнаа осминафинале против секогаш незгодната Италија.

Фудбалерот на Интер, Иван Перишиќ осоколен по победата над актуелниот шампион на Европа истакна дека сепак „Аѕурите“ се тие кои можат да бидат среќни што нема да играат со Хрватска.

„Ова беше специјална вечер” – рече стрелецот на победоносниот гол. „Одигравме одличен натпревар и го освоивме првото место во групата”.

„Но ова е само почеток, мораме да останеме фокусирани и да продолжиме да се бориме. Само така можеме да го надминеме успехот од 1998 и бронзата во Франција”.

„Ја избегнавме Италија во осминафиналето, но мислам дека „Аѕурите“ се тие кои можат да бидат среќни што нема да играат со нас”.

„Секако, нема да биде лесно против ниту еден противник. Секоја репрезентација која стигнала до осминафинале има квалитет, па не смееме да се опуштиме”.

Извор: 24FUDBAL.com.mk