МЕНИ

Шпанија | Карло Анчелоти објаснува зошто „Кралевите“ во 2015 го купиле талентираниот Норвежанец, Мартин Одегард...

Фудбалерот од средниот ред е најмладиот играч што настапил за репрезентацијата на Норвешка, се најавуваше како новиот „вундеркид“ па го привлече вниманието на огромен број клубови ширум Европа.

Откако беше на проба во речиси сите гиганти, Мартин Одегард на крајот потпиша за Реал Мадрид и се пресели на Сантијаго Бернабеу во јануари 2015.

Карло Анчелоти, кој во тоа време беше предводник на „Кралевите“ сега вели дека никогаш не побарал ангажман на Мартин Одегард, и одлуката лично ја донел претседателот Флорентино Перез, кој во сето ова гледал добар маркетиншки потег.

„Кога Флорентино Перез купува млад Норвежанец, едноставно морате да го прифатите тоа” – пишува стратегот во неговата нова книга.

„Ако претседателот одлучил дека тој исто така треба да одигра три натпревари за првиот тим само како маркетиншки потег, мора да го сторите тоа”.

„Тој може да биде еден од најдобрите играчи во светот, но мене тоа не ме засега бидејќи не беше играч кој го побарав. Трансферот беше само еден голем маркетиншки потег”.

Одегард дебитираше во Примера токму под вотство на Анчелоти, но до овој момент фудбалската јавност се уште ништо нема видено од неговиот раскошен талент со оглед на тоа дека има само два настапи за првиот тим на Реал.