Јужна Америка | Ресторан во Бостон каде репрезентативците на Аргентина ја прославиле победата над Венецуела реши да го „повлече“ столчето на кое седел Лео Меси и да го направи туристичка атракција...



По обезбедениот пласман во полу-финалето на Копа Америка, „Гаучосите“ решиле да се почастат со традиционална аргентинска храна па го посетиле ресторанот Танго Арлингтон.

Покрај автограмите и фотографиите од фудбалерите кои сигурно ќе се најдат на ѕидот, сопственикот на ресторанот решил да направи необичен потег.

Столчето на кое седел најдобриот фудбалер на денешницата, Лео Меси е „повлечено“ и никој повеќе нема да седи на него.

На столчето ќе биде ставен натпис „овде седеше Лео Меси“ и ќе се користи како туристичка атракција.

Извор: 24FUDBAL.com.mk