ЕУРО 2016 | Репрезентативците на Исланд решија да се пошегуваат на сметка на својот капитен Арон Гунарсон па му подарија дрес од Кристијано Роналдо...



По крајот на дуелот помеѓу Исланд и Португалија, Арон Гунарсон проба да го размени дресот со Кристијано Роналдо.

Веднаш потоа се појави информации дека Роналдо одбил да му го даде дресот на Гунарсон, а весникот Билд дури го обелодени и разговорот помеѓу двајцата играчи.



Весникот пишуваше дека Португалецот во два наврати го игнорирал Гунарсон, а потоа дрско му одговорил: „Мојот дрес? Кој си ти?”

Самиот Гунарсон потоа ги демантираше ваквите написи, истакна дека не бил понижен од Роналдо и едноставно CR7 му кажал дека ќе ги разменат дресовите во соблекувалната.

Очигледно во целата сторија репрезентативците на Исланд гледаат добра забава, па решија да се пошегуваат со својот капитен.

Тие му подарија на Гунарсон дрес од Роналдо, а ова на социјалните мрежи го сподели Сигурдсон.

„Олдичен подарок од Финбогасон за Гунарсон... конечно го доби дресот од Роналдо” – напиша фудбалерот на Свонси на Инстаграм.

Извор: 24FUDBAL.com.mk