Шпанија | Според пишувањата на Марка, лидерите на Реал Мадрид ја определиле цената на Алваро Мората...



Весникот пишува дека напаѓачот има „галактико“ цена и „Кралевите“ бараат 75 милиони евра за неговите услуги.

Лидерите на Реал Мадрид веруваат дека оваа сума е реална со оглед на тоа што Алваро Мората е стартер за Шпанија на ЕУРО 2016 и покажува солидни партии во дресот на „Црвената Фурија“ во Франција.

Сериозен интерес за напаѓачот има од Англија, каде Манчестер јунајтед, Арсенал и Челси сакаат да го видат Алваро Мората во своите редови.

Во меѓувреме, Газета дело Спорт објави дека Реал Мадрид испратил писмо до Јувентус, „Кралевите“ формално ги известиле „Бјанконерите“ дека ќе ја активираат откупната клаузула и ќе платат 30 милиони евра за да го вратат Шпанецот во своите редови.

Извор: 24FUDBAL.com.mk