ЕУРО 2016 | Фернандо Сантош открива дека првиот играч на Португалија, Кристијано Роналдо не можел да спие по промашениот пенал против Австрија...



Фудбалерот на Реал Мадрид имаше фрустрирачка вечер на дуелот со Австрија, промаше неколку добри шанси, постигна гол кој оправдано му беше поништен а не погоди ниту од белата точка.

Селекторот на Португалија, Фернандо Сантош открива дека лошата партија против Австрија го прогонувала CR7 цела вечер и играчот не можел да спие.

„Не можеше да спие по дуелот со Австрија” – вели Сантош. „Беше еден од првите кои се разбудија, веќе беше на нозе кога јас станав”.

Запрашан дали Роналдо одново ќе шутира пенал доколку биде досудена најстрога казна во корист на Португалија, Сантош одговори: „Секако, доколку добиеме пенал, Кристијано ќе го изведе и ќе погоди”.

„Роналдо е нашиот капитен, тој е победни и знае да се опорави по грешка. Тоа го очекуваме од него”.

Извор: 24FUDBAL.com.mk