ЕУРО 2016 | Мартин Шкртел е подготвен да стори се што треба за да го сопре неговиот соиграч од Ливерлуп, Даниел Стариџ на дуелот помеѓу Словачка и Англија...



Дефанзивецот вечерва ќе има прилика да се сретне со неколку соиграчи од Енфилд, помеѓу кои и напаѓачот Даниел Стариџ.

Зборувајќи на пресконференцијата, Мартин Шкртел истакна дека пријателството привремено ќе биде заборавено, тој ќе стори се за неговата Словачка да обезбеди пласман во осминафиналето, па ако треба дури и ќе го удри Даниел Стариџ.

„Ситуацијата не е нормална, но ние сме професионалци и ова е дел од нашата работа” – вели дефанзивецот.

„Ги познавам а и тие ме познаваат мене. Но на ваков натпревар нема пријатели”.

„Можете да бидете пријатели пред и по натпреварот, но не на теренот каде сите ќе го дадат максимумот и ќе се обидат да победат”.

„Доколку го прашате Даниел и тој ќе ви го даде истиот одговор”.

„Го сакаме само најдоброто за репрезентацијата. Доколку тоа значи дека треба да го удрам Стариџ кога тој ќе истрча сам пред голот, одговорот е да. Секако дека ќе го сторам тоа”.

Извор: 24FUDBAL.com.mk