ЕУРО 2016 | Албанија беше на чекор до големо изненадување, но Франција се спаси во самиот финиш, со голови на Гризман и Паје успеаа да победат и да се пласираат во осминафиналето од Европското првенство...



Албанија одигра херојски меч, имаше 0-0 се до 90. минута, но Франција се разбуди во финишот и со два гола дојде до триумф од 2-0 и пласман во осминафиналето.

Франција одигра бледо полувреме, Албанија се бранеше и многу успешно го правеше тоа.

Домаќините тргнаа посилно во вториот дел и првата шанса ја имаа преку Коман, но неговиот удар заврши крај голот.

Албанија имаше и статива, Сања за малку ќе си постигнеше автогол, но среќата не ги посака Албанците.

Кога се очекуваше дека на дуелот ќе нема победник, Гризман постигнува гол во 90. минута за водство на Франција од 1-0.

Во судиското продолжение погоди и Димитри Паје по еден одличен соло продор и ги постави конечните 2-0.

Албанија може да жали што не успеа да дојде до бод, својот прв успех на Европските првенства ќе го брка во последното коло против Романија.

Извор: 24FUDBAL.com.mk