ЕУРО 2016 | Даниеле Де Роси вели дека сите ја потцениле оваа репрезентација на Италија, открива дека дури и неговите пријатели во Рим биле убедени дека „Црвените Ѓаволи“ ќе слават над „Аѕурите“...



Во пресрет на ЕУРО 2016 многумина велеа дека овој состав на Италија е најслаб во последно време, но „Аѕурите“ уште еднаш покажаа дека не терба да бидат отпишани и вчера им оддржаа лекција на Белгијците.

Даниеле Де Роси по победа од 2-0 истакна дека сите ја потцениле Италија, и откри дека дури и неговите пријатели во Рим биле убедени дека „Црвените Ѓаволи“ ќе слават над „Аѕурите“.

„Многумина не потценија па убаво е кога на ваков начин ќе им одговориме на сомнежите” – вели фудбалерот на Рома.

„Дури и моите пријатели во Рим беа убедени дека Белгија ќе победи, ми велеа дека дури и куќите би ги ставиле во обложувалница!”.

„Ги предупредив да бидат повнимателни бидејќи Италија е организирана и работи напорно”.

„Имаме извонредна грпуа на играчи. Во репрезентацијата сум од 2004 и никогаш претходно не сум видел ваква дружина на добри момци, сите мислат само на групата. Задоволство е да се биде тука”.

Де Роси исто така вели дека и селекторот Антонио Конте е заслужен за победата.

„Тајната на неговиот успех е работната култура како и манијачката потрага на ситни детали кои можат да им креираат проблеми на противниците”.

„Ова е мал резултат, но покажува дека иако бевме послаби на хартија од Белгија, на теренот заслужено ги победивме”.

„Но мораме да останаме фокусирани, и во Бразил стартувавме со победа но потоа срамно бевме елиминирани уште во групната фаза”.

Извор: 24FUDBAL.com.mk