ЕУРО 2016 | Денеска против Чешка, актуелниот европски шампион, селекцијата на Шпанија ја започнува одбраната на титулата...
„Црвената фурија“ во Бразил ја загуби Светската круна, но се надева дека во Франција ќе може да ја одбрани Европската.
Но општиот впечаток е дека Шпанија не е повеќе онаа репрезентација која ги мелеше своите противници на патот кон трите големи трофеи едно по друго. Овој тим на Дел Боске не влева страв кај противниците.
Првата пречка е Чешка, натпреварот започнува од 15 часот. Прв натпревар за Шпанија на Европското првенство кој може да ја даде сликата за силата на фуријата.
„Воведниот натпревар е посебен, дуел на кој треба да се покаже голема одговорност, ќе видиме дали сме на нивото на кое сметаме дека сме“ - вели Висенте дел Боске.
„Чешка е добро организирана репрезентација со добри фудбалери, многу се опасни од прекини“.
„Мислам дека ние успеавме да дојдеме до добра форма и покрај тешката сезона. Фудбалерите се добри и мотивирани, ќе видиме што ќе покажеме на натпреварот“.
Селекторот на Чешка, Павел Врба смета дека можат да ја изненадат Шпанија.
„За успех треба да направиме се како што треба бидејќи се соочуваме со една од најголемите репрезентации на турнирот“ - вели селекторот на Чешка, Павел Врба.
„Тие имаат играчи од светска класа на секоја позиција, имаме многу тежок тест пред нас, но мислам дека можеме да ги изненадиме“.
Извор: 24FUDBAL.com.mk
